Dimë se karrota është mjaft e nevojshme për organizmin tonë, por edhe gjethet e tyre janë mjaft të dobishme, ndaj këshillohet që të mos hidhen. Gjethet e karrotës kanë paksa shije të hidhur, por janë të shëndetshme për organizmin e njeriut. Këto gjethe të gjelbra janë përplot me klorofil, i cili ndikon duke pastruar mëlçinë dhe gjithë trupin e njeriut. Në bazë të disa kërkimeve të fundit është arritur në përfundimin se gjethet e karrotës ndihmojnë në parandalimin e kancerit dhe zhvillimin e tumoreve dhe janë përplot me antioksidues. Është më e lehtë që ti konsumoni të përziera me ndonjë lëng të ëmbël, sidomos me lëngun e mollës. Ato janë plot me vitamina dhe minerale, teksa përmbajnë vitamina K më shumë se secila perime tjetër, vitaminë kjo shumë e rëndësishme e cila ndihmon në shërimin e plagëve, njollave, ënjtjeve dhe skuqjeve. Gjethet e karrotës nuk janë helmuese, por mbajnë furokumarinë që te disa njerëz mund të shkaktojë reaksion alergjik. Konsumimi i gjetheve të karrotës është i dobishëm pasi përmbajnë kalium, që është i rëndësishëm për shëndetin kardiovaskular. Vetëm gjethet e karrotës mbajnë gjashtë herë më shumë vitamina C, sesa vetë perimja.
Blogger Comment
Facebook Comment