“3 pikëshi në tavolinë, në pikëpyetje”

Një ditë pas dhunës së ushtruar ndaj kombëtares shqiptare në stadiumin e Beogradit, të gjithë sytë janë drejtuar tek Komisioni i Disiplinës së UEFA-s, i cili pritet të marrë vendimin rreth asaj që ndodhi në Serbi.

Delegati i Federatës Spanjolle dhe ish-sekretari i Federatës Shqiptare të Futbollit, Eduart Dervishi, shprehehet për Top Channel se Federata Serbe është fajtorja kryesore për atë që ndodhi në fushën e stadiumit të Partizanit.

“Nga eksperienca ime, mendoj që situata ishte shumë e favorshme për ne. Dihet që pala serbe ka mangësi të jashtëzakonshme në organizimin e ndeshjeve. U pa që janë futur civilë duke goditur sportistët. Rregullorja thotë që kur braktiset ndeshja për këto arsye, nuk diskutohet marrja e 3 pikëve në tavolinë nga njëra palë”, shpjegon Dervishi.

Megjithë koret raciste në stadium gjatë himnit dhe lojës,  hyrjen e tifozëve në fushë, goditjet ndaj lojtarëve tanë me sende të forta, fitorja në tavolinë e ndeshjes ende nuk është e sigurtë. Rregulloret e UEFA-s shpesh lënë hapësira për interpretime të ndryshme, por gjithçka do të varet nga raporti i delegatëve.

“Nëse në dhomat e zhveshjes, arbitri, delegati dhe autoritetet vendase kanë marrë vendimin që loja të vazhdojë dhe ne e kemi refuzuar, ky është një element kundër nesh”, theksoi Dervishi.

Shperndaje Google Plus

About shqip

This is a short description in the author block about the author. You edit it by entering text in the "Biographical Info" field in the user admin panel.