Lirohet vrasësi me pagesë më i famshëm ne Kolumbi

Një nga vrasësit me pagesë më të njohur në Kolumbi është liruar nga burgu pasi plotësoi 22 vite nga një dënim 30-vjeçar. John Jairo Velasquez ka qenë vrasësi kryesor i kartelit të baronit të drogës Pablo Escobar. 

Ai ka pranuar vrasjen e 300 personave dhe ka dalë nga burgu i sigurisë së lartë Combita ditën e martë nën masa të rrepta sigurie.

Në Kolumbi, njerëzit janë të ndarë përsa i përket vendimit për ta lënë të lirë vrasësin me pagesë. Disa mendojnë se ai ende nuk ka paguar për krimet e tij, ndërsa të tjerë mendojnë se Velasquez meriton një shans të dytë.

John Jairo Velasquez u dënua për pjesëmarrjen e tij në vrasjen e kandidatit për president Luis Carlos Galan në vitin 1989. Por, më vonë ai u kthye në dëshmitarin e shtetit ndaj ish-ministrit të Drejtësisë Alberto Santofimio, edhe ai kandidat për president në zgjedhjet e vitit 1990, i cili kishte urdhëruar vrasjen e Galanit.

Shperndaje Google Plus

About shqip

This is a short description in the author block about the author. You edit it by entering text in the "Biographical Info" field in the user admin panel.